पिंपरी, ता. २६ : चिंचवडमधील रामनगर येथे तसेच निगडीतील स्पाईन रस्ता येथील जुगार अड्ड्यावर पोलिसांनी छापा टाकला. या दोन वेगवेगळ्या कारवाईत नऊ जणांवर कारवाई केली.
रामनगर परिसरात पिंपरी पोलिसांनी केलेल्या कारवाईत पोलिसांनी राजेश रामकरण गर्ग (रा. मोहननगर, चिंचवड), मिथुन कांतिलाल चव्हाण (रा. दळवीनगर, चिंचवड) आणि श्रीकांत ऊर्फ लड्य्या श्याम पिल्ले (रा. दत्तनगर, चिंचवड) यांच्यावर गुन्हा दाखल केला आहे. त्यांच्याकडून रोख रक्कम, जुगाराचे साहित्य आणि मोबाईल फोन असा २२ हजार २२० रुपयांचा मुद्देमाल जप्त केला. तर निगडीतील स्पाईन रस्त्यावरील दुभाजकाच्या मोकळ्या जागेत सुरू असलेल्या जुगाराच्या ठिकाणी निगडी पोलिसांनी कारवाईत करून तुकाराम केरबा कांबळे, निगडी), सलीम रहीम शेख (दोघेही रा. राजनगर, निगडी), मारुती धोंडीबा पवार (रा. स्पाईन रस्ता, निगडी), खाजामिया वल्ली अहमद शेख (रा. इंदिरानगर, ओटास्कीम, निगडी) आणि सदाशिव यलप्पा कोबळे (दोघेही रा. इंदिरानगर, निगडी) यांच्यावर गुन्हा दाखल केला आहे.