पिंपरी, ता.२७ ः श्री स्वामी समर्थ प्रकट दिनानिमित्त वाल्हेकरवाडी येथील स्वामी समर्थ मंदिरामध्ये ३१ मार्चपर्यंत विविध धार्मिक व सांस्कृतिक कार्यक्रमांचे आयोजन करण्यात आले आहे. गुरुलीलामृत पोथीचे पारायण, अभिषेक, भजन, कीर्तन असे कार्यक्रम पार पडतील. सोमवारी (ता.३१) श्री स्वामी समर्थ प्रकट दिनाला पहाटे लघुरुद्र व होमहवन होईल. त्यानंतर प्रशांत महाराज बरिदे यांचे कीर्तन होईल. १२.३० वाजता स्वामी समर्थांचा जन्मसोहळा पार पडेल. त्यानंतर महाआरती व महाप्रसादाचे वाटप होईल. सायंकाळी स्वामी समर्थांची पालखीतून मिरवणूक काढली जाईल. त्यानंतर भजनी संध्या या कार्यक्रमाने सोहळ्याची सांगता होईल.