पिंपरी, ता. ६ : रस्त्यात आडवी लावलेली दुचाकी बाजूला घेण्यास सांगितल्याने तिघांनी मिळून एका तरुणाला बेदम मारहाण केली. याप्रकरणी तिघांवर गुन्हा दाखल झाला आहे. ही घटना थेरगाव येथे घडली. मयूर नवले (वय २३) व त्याचे दोन साथीदार अशी गुन्‍हा दाखल झालेल्‍या आरोपींची नावे आहेत. तर संजित हिरामण एखंडे (वय ३८, रा. कैलासनगर, लेन नं. २, थेरगाव) असे घटनेत जखमी झालेल्‍या तरुणाचे नाव असून, त्‍यांनी याप्रकरणी काळेवाडी पोलिस ठाण्‍यात फिर्याद दिली आहे. फिर्यादी हे धनगरबाबा मंदिराजवळून पायी जात असताना आरोपींनी त्यांची दुचाकी रस्त्यातच थांबवली. दरम्यान, फिर्यादी यांनी पुढे जाण्यासाठी रस्ता देण्यास सांगितल्याने मयूर नवले याने त्यांना शिवीगाळ करीत नाकावर बुक्क्यांनी मारहाण केली. त्याच्या साथीदारांनीही लाथाबुक्क्यांनी मारहाण करीत धमकी दिली.
---