पिंपरी, ता. ६ : पुणे महानगर प्रदेश विकास प्राधिकरणातंर्गत (पीएमआरडीए) असलेल्या अतिक्रमण विरोधी व निर्मूलन विभागातील अधिकाऱ्यांची बदली झाली आहे. त्‍यांच्‍या जागेवर इतर अधिकारी अद्यापही दाखल झाले नाहीत. सध्या वरिष्ठ पातळीवरील पथकात अवघे दोनच अधिकारी राहिले आहेत. त्‍यांच्‍या मार्गदर्शनाखाली अनधिकृत बांधकामावर कारवाई केली जात आहे.
होर्डिंगधारक आणि अनधिकृत बांधकाम करणाऱ्यांचे देखील धाबे दणाणले होते. दरम्यान, या विभागातील तीन अधिकाऱ्यांच्या नुकत्याच बदल्या झाल्या आहेत. परिणामी, आता या विभागाचे प्रमुख म्हणून सहआयुक्त आणि अन्य एक तहसीलदार हे दोनच अधिकारी आहेत. तर, अन्य कंत्राटी अभियंते व कर्मचारी आहेत. परिणामी, या विभागाकडून नियोजित महामार्गालगत असलेले होर्डिंग आणि मावळ, मुळशी या पट्ट्यातील वाढत जाणारे अतिक्रमणांवर कारवाईचा बडगा उचलणार येणार होता. मात्र, आता अपुऱ्या मनुष्यबळामुळे कारवाई लांबण्याची शक्यता आहे.