पिंपरी ः सनातन संस्थेच्या वतीने गुरुवारी (ता. १०) गुरुपौर्णिमा महोत्सव आयोजित करण्यात आला आहे. देशभरातील ७७ ठिकाणी हा महोत्सव होणार आहे. रावेत येथील समीर बॅक्वेट येथे तर तळेगाव येथील अपूर्वा गार्डन येथे सायंकाळी सहा वाजता कार्यक्रमाला सुरुवात होणार आहे. महोत्सवात श्री व्यासपूजन आणि भक्तराज महाराज यांचे प्रतिमापूजन, शंखनाद सोहळ्याचे प्रक्षेपण, सामूहिक नामजप यज्ञ, समाज राष्ट्र आणि धर्म या विषयांवर तज्ञांचे मार्गदर्शन, राष्ट्र आणि धर्म यांच्या रक्षणासाठी साधना आणि युद्धकाळातील कर्तव्य या विषयांवर मान्यवर मार्गदर्शन करणार आहेत. अध्यात्म, साधना, बालसंस्कार, आचारधर्म, आयुर्वेद, प्रथमोपचार, स्वसंरक्षण आदी विषयांवरील ग्रंथप्रदर्शन असणार आहे. या प्रदर्शनाचा लाभ सर्वांनी घ्यावा, असे आवाहन संस्थेच्या वतीने करण्यात आले आहे.