दापोडी येथील श्रावस्ती कॉलनी दत्त डेव्हलपर्स परिसरातील सांडपाणी वाहिनी तुंडुंब भरुन सांडपाणी रस्त्यावर वाहत आहे. यामुळे सर्वसामान्य नागरिकांच्या आरोग्याचा प्रश्न निर्माण झाला आहे. याकडे पालिका प्रशासन दुर्लक्ष करत आहे. तर, ठेकेदाराकडे कामगारांची कमतरता आहे. त्यामुळे करदात्या जनतेला त्रास सहन करावा लागत आहे.
- अकिल शेख, दापोडी
PNE25V30505

निगडी येथील भक्ती शक्ती पुलाच्या एका बाजूच्या भिंतीतून झाड उगवले आहे. ते बऱ्यापैकी मोठेही झाले आहे. या झाडाची वाढ होत राहिली, तर मुळांमुळे पुलाला धोका निर्माण होऊ शकतो. त्यामुळे संबंधित विभागाने याची वेळीच दखल उपाययोजना करून झाडाचे पुनर्रोपण करणे आवश्यक आहे.
- शिवराम वैद्य, निगडी
NE25V30504

चिंचवड-भोसरी रस्त्याची (हिरो होन्डा शोरूमजवळ) अवस्था बिकट झाली आहे. त्यामुळे हा रस्ता तातडीने दुरुस्त करावा. तेथे उड्डाणणपूल आहे. पण, बाहेरगावाहून येणाऱ्यांना भोसरीकडे जाण्याच्या मार्गावर फलकदेखील नाही. त्यामुळे लोकांना पुन्हा एक किलोमीटर पुढे जाऊन मागे यावे लागते म्हणून पिंपरी चिंचवड मनपाने ‘भोसरीकडे जाण्याचा मार्ग’ असा फलकदेखील लावावा.
- दीपक दातीर पाटील, चिंचवड
NE25V30506

पीएमपीने सेवा-सुविधा सुधारण्याची गरज
देहू-आळंदी रस्त्यावर देहू -आळंदी ही पीएमपी बससेवा उपलब्ध आहे. या भागातून कित्येक नागरिकांना नोकरीच्या ठिकाणी सकाळी लवकर जाऊन रात्री उशिरापर्यंत घरी परतावे लागते. बहुतेक सर्वच जणांना नोकरीला जाण्यासाठी घरापासून मोशीगाव किंवा देहूफाटा येथून गाड्या बदलाव्या लागतात. चिखली किंवा मोशीपासून डुडुळगावमार्गे डायरेक्ट स्वारगेट, मनपा, तसेंच पुणे स्टेशनसाठी बसची सुविधा उपलब्ध झाल्यास चांगली सोय होऊ शकते. तसेच मोशी ते देहूफाटा या रस्त्यावरील सर्वच बस स्टॉप गंजले आहेत. या मार्गावरील सर्वच बसस्टॉपचे नूतनीकरण करणे आवश्यक आहे.

- प्रफुल्ल बाबर, डुडुळगाव
PNE25V30503