पिंपरी : गॅस चोरी करताना एकाला पोलिसांनी रंगेहाथ पकडले. ही कारवाई भोसरीतील खंडेवस्ती येथील सेक्टर क्रमांक १२ येथे करण्यात आली. लोकेंद्र ख्मान सिंग (वय २५, रा. जाधववाडी, चिखली) असे अटक केलेल्या आरोपीचे नाव आहे. आरोपी लोकेंद्र याने टेम्पोतून ग्राहकांना विक्री करण्यासाठी आणलेल्या सीलबंद गॅस सिलिंडरमधून दुसऱ्या रिकाम्या सिलिंडरमध्ये बेकायदारीत्या गॅस भरला. सार्वजनिक ठिकाणी सुरक्षिततेच्या दृष्टीने कोणतीही खबरदारी न घेता नागरिकांच्या जीवितास धोका निर्माण केला. अशाप्रकारे बेकायदारीत्या गॅस चोरी करताना त्‍याला अटक करण्यात आली. एमआयडीसी भोसरी पोलिस अधिक तपास करीत आहेत.
पिस्तूल, कोयता बाळगणाऱ्या दोघांना अटक
पिंपरी : पिस्तूल आणि कोयता बाळगणाऱ्या दोन जणांना गुन्हे शाखेच्या गुंडा विरोधी पथकाने अटक केली. ही कारवाई भोसरीतील चक्रपाणी वसाहत परिसरात करण्यात आली. अजय सुखदेव माने (वय २५, रा. पांडवनगर, चक्रपाणी वसाहत, भोसरी) आणि सोमनाथ अंकुश पवार (वय २९, रा. वडगाव शिंदे रोड, लोहगाव, पुणे) अशी अटक केलेल्या आरोपींची नावे आहेत. आरोपी अजय माने याच्‍याकडून ५० हजार रुपये किमतीचे पिस्तूल आणि एक हजार रुपयांचे एक जिवंत काडतूस असा एकूण ५१ हजारांचा मुद्देमाल जप्त केला आहे. तसेच आरोपी सोमनाथ पवार याच्‍याकडून एक कोयता जप्त केला.
कोयता बाळगल्याप्रकरणी दोघांवर कारवाई
पिंपरी : बेकायदारीत्या कोयता घेऊन फिरणाऱ्या दोन तरुणांवर पोलिसांनी गुन्‍हा दाखल केला आहे. ही कारवाई भूगाव रोड येथे करण्यात आली. राजप्रताप प्रद्युम्न पटेल (वय २०, रा. लवळे फाटा, ता. मुळशी, जि. पुणे) आणि नीतेश रामेश्वर भारती (वय २५, रा. बालाजीनगर, लवळे फाटा, ता. मुळशी, जि. पुणे) अशी गुन्‍हा दाखल झालेल्‍या आरोपींची नावे आहेत. आरोपी हे दुचाकीवरून कोयता बाळगून सार्वजनिक ठिकाणी फिरत होते. पोलिसांनी त्‍यांना ताब्‍यात घेऊन झडती घेतली असता त्‍याच्‍याकडे कोयता सापडला.
दारूभट्टीवर पोलिसांचा छापा
पिंपरी : दारू तयार करण्यासाठी लावलेल्‍या हातभट्टीवर पोलिसांनी छापा घातला. ही कारवाई मावळ तालुक्‍यातील पुसाणे गावच्‍या हद्दीत करण्यात आली. या कारवाईत पोलिसांनी पुसाणे फाटा येथील एका ३८ वर्षीय महिलेवर गुन्‍हा दाखल केला आहे. पुसाणे गावाच्‍या हद्दीत एक दारूभट्टी लावल्‍याची माहिती पोलिसांना मिळाली. त्‍यानुसार पोलिसांनी छापा टाकला. पोलिसांची चाहूल लागताच आरोपी महिला पसार झाली. पोलिसांनी घटना स्‍थळावरून दारू तयार करण्यासाठी आवश्‍यक असलेले एक लाख ४८ हजार रुपये किमतीचे कच्चे रसायन व साहित्य जप्त केले.
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.