पिंपरी, ता. १५ : मुळशीच्या मनस्वी कांबळेने जागतिक कुडो स्पर्धेत रौप्य पदक मिळविले. युरोपमधील बल्गेरिया या देशात ही स्पर्धा नुकतीच झाली.
या स्पर्धेत वैष्णवी पाटील हिनेही देशाचे प्रतिनिधित्व केले. भारतीय कुडो संघटनेचे आधारस्तंभ अभिनेते असलेले अक्षय कुमार, संस्थापक मेहुल वोरा यांच्या मार्गदर्शनाखाली भारताच्या ५९ विद्यार्थ्यांनी स्पर्धेत भाग घेतला. मनस्वी आणि वैष्णवी यांना विस्पी खराडी यांच्यामार्फत गुजरातमध्ये १३ दिवसांच्या विशेष शिबिरात प्रशिक्षण देण्यात आले. प्रशिक्षक किशोर शिंदे आणि पुणे जिल्हा कुडो संघटनेचे अध्यक्ष अरविंद मोरे यांच्या मार्गदर्शनाखाली या दोघी निगडीतील ज्ञानप्रबोधिनी शाळेच्या मैदानावर सराव करतात.
....