संवाद माझा

प्रवेशद्वारातील पायऱ्यांची दुरुस्ती आवश्यक :

निगडीतील सेक्टर २१ मधील यमुनानगरमध्ये असलेल्या मुक्ताई उद्यानाला प्रवेशद्वाराच्या पायऱ्यांवरच्या फरशा उखडल्या गेल्या आहेत. या उद्यानात छोटी मुले खेळण्यासाठी गर्दी करतात. अनेक ज्येष्ठ नागरिकही चालण्याचा व्यायाम करण्यासाठीही येत असतात. या पायऱ्या उखडल्या गेल्यामुळे त्याखालील बारीक खडी सगळीकडे पसरली आहे. त्यामुळे ज्येष्ठ नागरिक तसेच छोटी मुलेही घसरून पडण्याचा धोका निर्माण झाला आहे. हे टाळण्यासाठी महानगरपालिकेच्या संबंधित विभागाने दखल घेऊन तातडीने दुरुस्ती करणे गरजेचे आहे.

- शिवराम वैद्य, निगडी

25V31872

---

नालंदा बौद्ध विहार समोरील पवार वस्ती (दापोडी) येथे गेल्या चार महिन्यांपासून सांडपाणी वाहिनीचे सिमेंट पाइप पडून आहे. ठेकेदाराने ते तेथून काढलेले नाहीत. त्यामुळे वाहतुकीत अडथळा निर्माण होतो. त्यामुळे कोंडी होऊन पादचाऱ्यांनाही त्रास होतो. भविष्यात अपघाताची शक्यताही नाकारता येत नाही. संबंधित अधिकाऱ्यांनी याची दखल घ्यावी.

- आकील अ. शेख, दापोडी

Id: PNE25V31871
--

चिंचवडमध्ये काकडे उद्यानातील गतिरोधक धोकादायक आहे. गणपती मंदिराजवळील गतिरोधकापाशीच मोठा खड्डा पडला आहे, जो सगळ्यांसाठीच धोकादायक आहे. पालिकेने दखल घेऊन योग्य ती उपाययोजना तातडीने करावी.

- रमेश देव, चिंचवड
: PNE25V31870

---

चिंचवडमध्ये चाफेकर चौकातच काही जणांचा संसार आणि व्यवसाय सुद्धा सुरू आहे. या मंडळींनी अश्व उभे केले आहेत. विवाह समारंभाच्यावेळी भाड्याने घेतले जाणारे काही रथही तेथे लावलेले असतात. या मंडळींचे हातावरचे पोट आहे, हा मुद्दा मान्य केला तरी समोर शाळा, भाजी मंडई अशी वर्दळीची ठिकाणे आहेत. अश्वांमुळे चौकातच मूत्र आणि लिदची घाण पडलेली असते. त्यामुळे तेथे दुर्गंधी पसरली आहे. परिणामी रोगराईचा धोका वाढतो. पालिकेने योग्य ती उपाययोजना करणे गरजेचे आहे. अधिकाऱ्यांनी दुर्लक्ष कायम ठेवले तर मात्र त्रास वाढणार आहे.

- रमेश पाटील, चिंचवड

NE25V31869

पुणे, पिंपरी-चिंचवड परिसरात सध्या पदपथावर अनेक जण सर्रास धूम्रपान करताना आढळतात. महाराष्ट्रात सार्वजनिक ठिकाणी धूम्रपान करण्यास बंदी असताना असे प्रकार का होतात, यावर योग्य ती कारवाई होणे गरजेचे आहे. त्यासाठी पोलिस किंवा प्रशासन यापैकी कुणीही पुढाकार घेतला तरी सामान्य नागरिकांचा त्रास वाचेल.

- श्रीनिवास धोंगडे, रावेत
25V31855