पिंपरी, ता. १८ : पिंपरी-चिंचवड वाहतूक पोलिसांकडून गुरुवारी (ता. १७) शहरातील १५ शाळांमधील विद्यार्थ्यांना रस्ते सुरक्षा, वाहतूक नियमन, व्यसनाधिनतेपासुन दूर राहणे, सायबर गुन्हेगारी, सोशल मीडियाचा वापर आदी मुद्यांबाबत मार्गदर्शन करण्यात आले.
वाहतूक शाखेचे विभागामार्फत महिन्याच्या पहिल्या आणि तिसऱ्या गुरुवारी ‘एकदिवस शाळेसाठी’ हा उपक्रम राबविण्यात येत आहे. या उपक्रमांतर्गत गुरुवारी विद्यार्थ्यांना मार्गदर्शन करण्यात आले. १९ व्या टप्यात एकूण १५ टिमच्या माध्यमातून १५ शाळांमध्ये तीन हजार ७२५ विद्यार्थ्यांपर्यंत पोहोचून त्यांना पीपीटीद्वारे मार्गदर्शन करण्यात आले. ‘एक दिवस शाळेसाठी’ या उपक्रमांतर्गत आतापर्यंत १९ टप्प्यामध्ये ३४४ शाळांमधील ८५ हजार ७५१ विद्यार्थ्यांना मार्गदर्शन करण्यात आले. विद्यार्थ्यांनी जबाबदार नागरिक व चांगला माणूस घडावा, या दृष्टिकोनातून पिंपरी-चिंचवड वाहतूक विभागामार्फत या उपक्रमाचे आयोजन केले जात आहे.