पिंपरी, ता. १८ ः वाढदिवस म्हणजे केवळ आनंदोत्सव नव्हे, तर समाजासाठी काहीतरी चांगले करण्याची संधी असते, ही भावना ‘सकाळ यिन’ च्या माध्यमातून दरवर्षी जपली जाते. याचा आदर्श ठेवत यंदाही चिखलीच्या विकास अनाथाश्रमात शालेय साहित्य व खाऊ वाटप उपक्रम राबविण्यात आला.
‘सकाळ यिन’चे कॅबिनेट मंत्री व पिंपरी-चिंचवड शहर कार्याध्यक्ष राजवर्धन करांडे यांच्या वाढदिवसानिमित्त आयोजित उपक्रमात सुमारे ४० बालकांना या उपक्रमाचा लाभ झाला. या वेळी आश्रमप्रमुख माऊली हर्कल उपस्थित होत्या. या उपक्रमासाठी सामाजिक जाणीव असलेल्या ‘यिन’च्या तरुण सदस्यांनी सेवाभावाने योगदान दिले.
अमरसिंह पाटील, रोहन सावंत, अमित देवकर, पार्थ भोंगाने, ओम बसते, शुभम गायकवाड, श्रीराज सावंत, मंथन रेडे, शंभूराजे शिनगारे, प्रशांत बोराटे, आदित्य बागडे, बालाजी नलवडे, अतुल शिंदे, विवेक काळे, राज जेधे, शुभम टापरे, साईराज शेंडगे, प्रतीक कामठे, प्रथमेश कामठे यांनी एकत्र येऊन समाजसेवेचा वारसा पुढे नेला.
करांडे यांनी सांगितले की, या उपक्रमातून तरुणांमध्ये समाजाबद्दलची संवेदनशीलता व जबाबदारीची भावना अधिक दृढ होते. त्यामुळे नेतृत्वगुण आणि सेवाभाव एकत्रित रुजवात. हे या उपक्रमाचे खऱ्या अर्थाने यश आहे.
-----