पिंपरी, ता. १९ ः ऑटो, टॅक्सी आणि कॅब चालक-मालकांचे प्रश्न सोडविण्यासाठी राज्याचे परिवहन मंत्री प्रताप सरनाईक यांच्यासोबत सकारात्मक बैठक झाली. महाराष्ट्र रिक्षा पंचायत आणि ऑटो, टॅक्सी, ट्रान्स्पोर्ट फेडरेशन कोणत्याही बंदमध्ये सहभागी होणार नाही, असे महाराष्ट्र रिक्षा पंचायत आणि ऑटो टॅक्सी ट्रान्सपोर्ट फेडरेशनचे अध्यक्ष बाबा कांबळे यांनी स्पष्ट केले. शासनासोबत चर्चा सुरू असताना विनाकारण बंद पुकारण्याची आवश्यकता नाही. महाराष्ट्र रिक्षा पंचायत आणि ऑटो टॅक्सी ट्रान्सपोर्ट फेडरेशन बंदमध्ये सहभागी होणार नाही. रिक्षा, टॅक्सी आणि कॅब चालक-मालकांना जबरदस्तीने बंदमध्ये सामील होण्यास भाग पाडणाऱ्यांविरुद्ध पोलिसांनी योग्य कारवाई करावी, अशी मागणीही कांबळे यांनी केली.