नवीन भोसरी रुग्णालयात
गर्दी असूनही शिस्तबद्धता

पिंपरी : नवीन भोसरी रुग्णालय १०० खाटांचे आहे. येथे बाह्य व आंतररुग्ण विभाग आहेत. जुन्या व नवीन केसपेपरसाठी स्वतंत्र रांग होती. जन्म-मृत्यू नोंद, कॅशकाउंटर, औषध वितरण, गरोदर माता तपासणी प्रत्येक खिडकीसमोरील रांगेसाठी सुरक्षारक्षक होते. प्रत्येक ठिकाणी ‘थुंकू नये’, ‘धुम्रपान करू नये’ असे सूचनाफलक आहेत. गरोदर मातांची तपासणी व लसीकरणासाठी स्वतंत्र कक्ष आणि हिरकणी कक्ष आहेत. प्रत्येक खिडकीसमोर वेळा नमूद आहेत. गरोदर माता व ज्येष्ठ नागरिकांसाठी स्वतंत्र केसपेपर कक्ष आहे. ‘की-ऑक्स’ मशीन बंद आहे. मागील बाजूस एके ठिकाणी राडारोडा आहे. सांडपाणी प्रक्रिया प्रकल्प कार्यान्वित आहे. गरोदर महिलांना बसण्यासाठी बाकड्यांची संख्या वाढवायला हवी. ११ वाजून सात मिनिटांनी वीजपुरवठा खंडित झाला. त्वरीत जनरेटर सुरू केल्याने सोय झाली. एएनसी, इंजेक्शन रुम, महिला व पुरुष मेडिसीन, सोनोग्राफी, दंत चिकित्सा, लॅब, आयसीटीसी, बालरोग, स्रीरोग, गरोदर माता अशा १३ प्रकारच्या ‘ओपीडी’ आहेत.

गरोदरपणाच्या तपासणीसाठी मी पत्नीला आणले. आम्ही चौथ्यांदा रुग्णालयात आलो आहोत. चांगली सेवा दिली जाते. डॉक्टरही व्यवस्थित समजावून सांगतात.
- निरजकुमार, कामगार

होय/नाही
रुग्णालयात स्वच्छता : आहे
बाह्यरुग्ण विभागात डॉक्टर : होते
रुग्णाची व्यवस्थित तपासणी : होते
औषधे दिला जातात का? : होय
सुरक्षा व्यवस्था : होती