पिंपरी, ता.२५ : ताथवडेतील राजर्षी शाहू अभियांत्रिकी महाविद्यालयाच्या माजी विद्यार्थ्याचा ‘मिलाप २०२५’ मेळावा शनिवारी सायंकाळी पाच वाजता रावेत येथे होणार आहे.
यावेळी जेएसपीएम संस्थेचे सचिव डॉ. तानाजी सावंत, जेएसपीएम विद्यापीठाचे अध्यक्ष डॉ. रवी जोशी, संचालक अनिल भोसले आदी उपस्थित राहणार आहेत. कॅप जेमिनीचे संचालक शरद खन्ना, टीसीएसचे ग्लोबल हेड प्रमोद भामरे हे मार्गदर्शन करणार आहेत, अशी माहिती महाविद्यालयाचे संचालक डॉ. संतोष भोसले यांनी दिली. कार्यक्रमाला माजी विद्यार्थ्यांनी उपस्थित राहण्याचे आवाहन त्यांनी केले.