सोमाटणे : जात वैधता प्रमाणपत्र वेळेत सादर न केल्याने मंदाकिनी बोडके यांचे ग्रामपंचायत सदस्यत्व अपात्र ठरवण्यात आले. याबाबत जिल्हाधिकारी कार्यालयाने आदेश दिले आहेत. याबाबत अमोल गोपीनाथ बोडके यांनी जिल्हाधिकारी कार्यालयाकडे विवाद अर्ज दाखल केला होता. यावर सुनावणीनंतर जिल्हाधिकारी कार्यालयाने बोडके यांना जात प्रमाणपत्र सादर करण्यासाठी ठराविक मुदत दिली होती. ती संपल्यानंतर १६ जुलै रोजी अंतिम सुनावणी झाली. यात मंदाकिनी बोडके यांनी वेळेत जात प्रमाणपत्र सादर न केल्याने त्यांचे सदस्यपद अपात्र ठरवण्यात आले, अशी माहिती जिल्हाधिकारी कार्यालयाकडून देण्यात आली.