पिंपरी, ता. २९ : महाविद्यालयात ‘फ्रेशर पार्टी’वरून झालेल्या वादात एका विद्यार्थ्याच्या अंगावर दुचाकी घालून त्याच्यावर कोयत्याने वार करण्यात आले. पिंपरीतील संत तुकाराम नगरमधील एका महाविद्यालयात हा प्रकार घडला. याप्रकरणी तन्मय अविनाश कांबळे (रा. केशवनगर, कासारवाडी) यांनी संत तुकारामनगर पोलिस ठाण्यात फिर्याद दिली. त्यानुसार पोलिसांनी सहा जणांना अटक केली. अभिषेक गिरी, अल्फान निसार पठाण, शिवराज तलवारे, सोहल शेख, यश दीपक पवार, आदिनाथ सोमनाथ गायकवाड अशी त्यांची नावे आहेत. बिराज विश्वकर्मा आणि इतर अज्ञात व्यक्तींवर गुन्हा दाखल करण्यात आला. फिर्यादी त्याचा मित्र अनिश पिंगळे याच्यासह नेहमीप्रमाणे महाविद्यालयात गेले होते. त्यावेळी गिरी आणि पठाण यांनी वाद घालून शिवीगाळ केली.
-----