पिंपरी, ता. २८ : घर बांधण्यासाठी तसेच नवी दुचाकी घेण्यासाठी माहेरहून पैसे आणण्यासाठी शारीरिक व मानसिक छळ झाल्याने विवाहितेने राहत्या घरात साडीने गळफास घेऊन आत्महत्या केली. काळेवाडीतील ज्योतिबानगरमध्ये हा प्रकार घडला. निर्मला परमेश्वर वाघमारे (वय ३०) असे विवाहितेचे नाव आहे. या प्रकरणी त्यांचे बंधू प्रकाश दादाराव वाघमारे (रा. तळवडे, पुणे) यांनी काळेवाडी पोलिस ठाण्यात फिर्याद दिली. त्यावरून पोलिसांनी पती परमेश्वर श्रावण वाघमारे (वय ४०), सासू गवळणबाई श्रावण वाघमारे, दीर कमलाकर श्रावण वाघमारे, नणंद रमाबाई लेंडेगावकर (इतर सर्व रा. जगळपूर, ता. जळकोट, जि. लातूर) यांच्यावर गुन्हा दाखल केला. विवाहानंतर तीन वर्षांत निर्मलाचा छळ सुरू झाला. याप्रकरणी काळेवाडी पोलिस अधिक तपास करीत आहेत.
-------------------------