पिंपरी, ता. २९ ः संजीवनी स्वयंरोजगार सहकारी संस्था आणि टाटा स्ट्राईक सक्षमा प्रकल्प यांच्या संयुक्त विद्यमाने मोरवाडी येथील दिव्यांग भवन दिव्यांगांसाठी राखी बनविण्याच्या प्रशिक्षणाचे आयोजन करण्यात आले होते. यामध्ये ३० जणांनी सहभाग घेतला होता. संस्थेच्या संजीवनी गाळे यांनी आपल्या महिला सहकाऱ्यांसह दिव्यांगांना राखी बनविण्याचे प्रशिक्षण दिले. दिव्यांग फाउंडेशनचे व्यवस्थापकीय संचालक ओमप्रकाश देशमुख, परेश गांधी उपस्थित होते. या उपक्रमासाठी योगदान देणाऱ्या स्वयंसेवकांचा फाउंडेशनच्या वतीने सत्कार करण्यात आला. या कार्यक्रमासाठी दत्तात्रेय चौगुले, वैशाली मळकर, अहिल्या साळुंखे, कविता खराडे, अरुंधती कुलकर्णी, संजीवनी गोळे, पल्लवी भालेराव, शालिनी गुप्ता, मंगल कोकणे, सुमन प्रसाद, पद्मजा सहानी, मयूरी सावरकर, जया रोकडे यांचे सहकार्य लाभले.