पिंपरी, ता. ३१ ः निगडी यमुनानगर येथील नाना नानी उद्यानात बुधवारी (ता. ३०) स्वच्छता मोहीम राबविण्यात आली. सहाय्यक आरोग्याधिकारी महेश आढाव, मुख्य आरोग्य निरीक्षक कांचन कुमार इंदलकर, आरोग्य निरीक्षक रामचंद्र शिंगाडे यांच्या मार्गदर्शनाखाली ही मोहीम घेण्यात आली. याप्रसंगी प्लॅस्टिक बंदी आणि कचरा वर्गीकरणाबाबत प्रबोधन करण्यात आले. तसेच सर्वांना ‘स्वच्छता ही सेवा’ अशी शपथ देण्यात आली. यमुनानगर ज्येष्ठ नागरिक संघाचे अध्यक्ष गजानन ढमाले व इतर ज्येष्ठ नागरिकांनी या मोहिमेत सहभाग घेऊन सहकार्य केले.
---