रावेत, ता.४ : श्री. दीपक मधुकर भोंडवे सोशल फाउंडेशन यांच्यावतीने समीर लॉन्स, रावेत येथे भव्य शिधापत्रिका (रेशन कार्ड) शिबिराचे आयोजन करण्यात आले. या उपक्रमाचा एकूण ६४० पेक्षा अधिक नागरिकांनी लाभ घेतला.
सामाजिक कार्यकर्ते व युवा नेते दीपक भोंडवे यांच्या मार्गदर्शनाखाली हे शिबिर भरविण्यात आले. रावेत, किवळे, विकासनगर व मामुर्डी येथील नागरिकांसाठी हे शिबिर उपयुक्त ठरले. या शिबिरात शिधापत्रिके संबंधित विविध सेवा पुरविण्यात आल्या. या शिबिरात, वन नेशन - वन रेशन कार्ड प्रणालीमुळे उद्‍भवणाऱ्या अडचणींवर प्रभावी उपाय करण्यात आले. नवीन शिधापत्रिका नोंदणी, कार्ड ट्रान्सफर, माहिती अद्ययावत करणे, केवायसी व दुरुस्त्या आदी सेवा देण्यात आल्या.
PNE25V37270