पिंपरी, ता. १३ : गुंतवणुकीवर दरमहा आठ टक्के परतावा देण्याचे आमिष दाखवून गुंतवणूकदारांची दोन कोटी २२ लाख ३७ हजार रुपयांची फसवणूक केली. ही घटना वाकडमधील अथर्व अव्हेन्यू सोसायटीतील अर्थप्लस इनव्हेस्टमेंट या कंपनीच्या कार्यालयात घडली.
नवनीत हिरालाल पाटील (वय ३०), विनोद उत्तमराव पाटील (वय ३५) आणि सुनील गंगाधर पाटील (वय ३६, सर्व रा. वाकड) अशी गुन्हा दाखल झालेल्या आरोपींची नावे आहेत. हे तिघेही कंपनीचे संचालक आहेत. नायगाव (ता. पालघर) येथील ४२ वर्षीय नागरिकाने वाकड पोलिस ठाण्यात फिर्याद दिली आहे. आरोपींनी आपसांत संगनमत करून फिर्यादी व त्यांच्या मित्रांना व इतर गुंतवणूकदारांना अर्थप्लस इनव्हेसमेंट या कंपनीत गुंतवणूक केल्यास दरमहा आठ टक्के परतावा देण्याचे आमिष दाखवले. सुरवातीला काही दिवस परतावा दिला. त्यानंतर काहीच परतावा न देता गुंतवणुकीची रक्कमही स्वतःकडे ठेवत एकूण दोन कोटी २२ लाख ३७ हजार ११५ रुपयांची फसवणूक केली.
-------------------