भिमसृष्टी जागेबाबत
हरकती, सूचना पाठवा

पिंपरी, ता. ४ ः महापालिकेच्या मंजूर विकास योजनेनुसार पिंपरीतील सर्वे क्रमांक १५५ अ मधील पीसीएमटी (पिंपरी-चिंचवड महानगर परिवहन मंडळ आता पीएमपी) बस टर्मिनससाठी एक हेक्टर क्षेत्र आरक्षित होते. प्रशासकांकडील २१ फेब्रुवारी २०२५ रोजीचा महापालिका ठराव क्रमांक ८५३ नुसार बस टर्मिनस आरक्षणातील नकाशात दर्शविलेले अंदाजे चार ७५० चौरस मीटर क्षेत्र भिमसृष्टी करण्यासाठी मान्यता मिळालेली आहे. महाराष्ट्र प्रादेशिक व नगररचना अधिनियमानुसार फेरबदलचा कार्यवाही केली आहे. हा फेरबदल प्रस्ताव महापालिका नगररचना उपसंचालक कार्यालयात नागरिकांसाठी उपलब्ध आहे. त्याबाबत हरकती व सूचना एक महिन्याच्या आत मागितल्या आहेत. या हरकती व सूचनांचा विचार करून फेरबदल प्रस्ताव सरकारकडे मंजुरीसाठी पाठविण्यात येणार असल्याची सूचना प्रशासक शेखर सिंह यांनी गुरुवारी (ता. ३) जाहीर केली.