सोमाटणे, ता. ९ : घोरावडेश्वर डोंगरावर लावलेल्या झाडांच्या संगोपनासाठी केलेल्या उपायांमुळे प्रतिकूल परिस्थितीतही सुमारे दोनशे झाडे वाढवण्यात घोरावडेश्वर प्रतिष्ठानला यश आले.
हरित घोरावडेश्वर करण्याचा उपक्रम घोरावडेश्वर विकास प्रतिष्ठानने हाती घेतला असून या उपक्रमाला पिंपरी येथील डॉ. डी. वाय. पाटील महाविद्यालयाच्या विद्यार्थी मदत करत आहेत. या उपक्रमाअंतर्गत गेल्या दोन वर्षांपासून डोंगरावरील धर्मशाळेलगतच्या ओसाड टेकडीवर वृक्षारोपन करण्याचा उपक्रम सुरू करण्यात आला होता. गेल्या दोन वर्षांत प्रतिष्ठान आणि विद्यार्थ्यांनी दोनशे झाडे लावून ती यशस्वीपणे जगवली आहेत. झाडांच्या पाण्यासाठी स्वतंत्र टाकी आणि ठिबक सिंचनाव्दारे पाण्याची सोय करण्यात आली. गेल्या दोन महिन्यांपासून तापमानाचा पारा चाळीस अंशांजवळ गेल्याने उष्णतेपासून संरक्षणासाठी सर्व झाडांना प्लॉस्टिक जाळीचे बसवण्यात आली आहे. तसेच वनव्यापासून संरक्षणासाठी झाडांजवळचे गवत काढण्यात आले.

PNE25V04979