पिंपरी, ता.१४ ः आकुर्डीच्या डॉ. डी. वाय. पाटील इंटरनॅशनल युनिव्हर्सिटीतील स्कूल ऑफ अप्लाईड आर्ट ॲण्ड क्रॉफ्टसच्या वतीने ‘आकृती’ चित्र प्रदर्शन भरविण्यात आले. त्यानिमित्त प्रमोद कांबळे यांना डी. वाय. पाटील जीवनगौरव पुरस्कार देऊन सन्मानित करण्यात आले.
जाहिरात कलादिग्दर्शक महेश घरत यांच्या हस्ते प्रदर्शनाचे उद्‍घाटन करण्यात आले. चित्रकार पराग बोरसे, कुलगुरू प्रा.मनिष भल्ला, मुख्य वित्तीय अधिकारी बिपीन शर्मा, कुलसचिव डॉ. बिरान मोईदीन, डॉ. माधवी देशपांडे, डॉ. अनुपमा पाटील, डॉ. मधुरा जगताप, संयोजक जयप्रकाश कलवले आदी मान्यवर उपस्थित होते. ५१ हजार रोख, मानपत्र, स्मृतीचिन्ह असे या पुरस्काराचे स्वरूप राहिले. प्रदर्शनात २२५ हून अधिक कला विद्यार्थ्यांनी कलाकृती साकारल्या. सर्वोत्कृष्ट विद्यार्थी पुरस्कार यश शेवाळे याला देण्यात आला. वर्गनिहाय विद्यार्थ्यांना मान्यवरांच्या हस्ते पारितोषिके देण्यात आली.
किंजल जैस्वाल यांनी सूत्रसंचालन केले. सारथा राजकुवर यांनी आभार मानले.