पिंपरी, ता. ९ : भाजी मंडई इमारतीतील एका गाळ्यात बेकायदारित्या सुरू असलेल्या जुगार अड्ड्यावर पोलिसांनी छापा टाकला. ही कारवाई भोसरी गावठाण येथे करण्यात आली.
बालाजी शिवाजी संगमे, अशोक आनंदा बनसोडे, प्रकाश अभिमन्यू लोंढे, किशोर पुनीत शाहू, देवातेजो पंडित, बिरेंदर गौरीशंकर साहू आणि योगेश दिनकर नागरगोजे या सात जणांवर गुन्हा दाखल केला आहे. या कारवाईत पोलिसांनी जुगाराचे साहित्य आणि रोख रक्कम असा एकूण ५९ हजार ३०० रुपयांचा मुद्देमाल जप्त केला आहे.