पिंपरी, ता. १७ : रोटरी क्लब ऑफ पिंपरी टाऊनतर्फे तळवडे येथील स्वामी विवेकानंद हायस्कूलमधील दहावीच्या १०५ विद्यार्थ्यांना ‘रोटरी स्टडी ॲप’चे वितरण करण्यात आले. तसेच शाळेच्या सुरक्षिततेच्या दृष्टीने अग्निरोधक संच भेट देत क्लबने मदतीचा हात पुढे केला.
याप्रसंगी क्लबचे अध्यक्ष संतोष भालेकर, सहाय्यक प्रांतपाल प्रदीप खेडकर, माजी अध्यक्ष विल्सन जोसफ, सचिव प्रशांत पवार, संस्थेचे अध्यक्ष गोविंद दाभाडे, स्वप्नील पवार, मुख्याध्यापक एकनाथ आंबले तसेच शाळेचे पदाधिकारी उपस्थित होते. यावेळी रोटरी क्लबच्या वतीने दहावीमध्ये उत्तीर्ण झालेल्या गुणवंत विद्यार्थ्यांचा स्मृतिचिन्ह देऊन सत्कार करण्यात आला.
---