पिंपरी,ता. २३ : ‘नक्षत्राचं देणं’ काव्यमंचच्या वतीने राज्यस्तरीय निबंध स्पर्धेचे आयोजन करण्यात आले आहे. ‘‘डॉ. बाबासाहेब आंबेडकरांच्या स्वप्नातील भारत’’ हा या स्पर्धेचा विषय आहे. ही स्पर्धा सर्वांसाठी खुली ठेवण्यात आली आहे.
निबंध पाठवताना शब्दांचे बंधन नाही. सर्व वयोगटातील लेखक या स्पर्धेत सहभागी होऊ शकतात. तरी जास्तीत जास्त शाळा, महाविद्यालय, युवक वर्ग तसेच सर्व वयोगटातील विचारवंतांनी सात एप्रिलपर्यंत आपला निबंध पाठवावा, असे आवाहन संस्थेतर्फे प्रा. राजेंद्र सोनवणे यांनी केले आहे. सहभागी नागरिकांनी ‘‘नक्षत्राचं देणं काव्यमंच, साई सदन, ए/३, महालक्ष्मी हाइट्स, पीसीएमटी चौक, भोसरी’’ या पत्त्यावर निबंध पाठविण्याचे आवाहन करण्यात आले आहे.