पिंपरी : किरकोळ वादातून पतीने पत्नीवर भाजी कापण्याच्या चाकूने वार केला. यामध्ये पत्नीच्या हाताला दुखापत झाली. ही घटना चिखलीतील नेवाळेवस्ती येथे घडली. या प्रकरणी महिलेने चिखली पोलिस ठाण्यात दिलेल्या फिर्यादीनुसार तिचा पती सुनील बाळाजी गोरे (रा. नेवाळे वस्ती, चिखली, मूळ- रत्नागिरी) याच्यावर गुन्हा दाखल झाला आहे. चिखली पोलिस अधिक तपास करीत आहेत.
दारू भट्टीवर पोलिसांचा छापा
पिंपरी : शिरगाव येथील दारू भट्टीवर पोलिसांनी छापा टाकून एका महिलेवर गुन्हा दाखल केला. ही कारवाई शिरगाव येथे पुणे-मुंबई द्रुतगती महामार्गालगत करण्यात आली. आरोपी महिलेने हातभट्टी दारू तयार करण्यासाठी दोन लोखंडी पाण्याच्या टाकीत चार हजार लीटर गूळमिश्रित कच्चे रसायन भिजत घातले होते. याबाबत शिरगाव पोलिसांना माहिती मिळाली असता तेथे छापा टाकून एक लाख ४० हजारांचा माल नष्ट केला.
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.