पिंपरी, ता. ४ : सौ. ताराबाई शंकरलाल मुथा कन्या प्रशाला व कनिष्ठ महाविद्यालयात इयत्ता दहावीच्या विद्यार्थिनींचा शुभेच्छा देण्यात आल्या. या प्रसंगी संस्थेचे मानद सचिव राजेंद्रकुमार मुथा, सहसचिव अनिलकुमार कांकरिया आणि व्यवस्थापक सतीश भारती यांनी विद्यार्थिनींना दहावीच्या परीक्षेसाठी शुभेच्छा दिल्या.
कार्यक्रमासाठी श्री गुरू गणेश कॉम्प्युटर इन्स्टिट्यूटच्या विभागप्रमुख शैलजा गायकवाड व आर. एम. धारिवाल पॉलिटेक्निक महाविद्यालयाच्या विभागप्रमुख अपूर्वा देशपांडे यांनी ''दहावीनंतरच्या शिक्षणाच्या वाटा'' याविषयी मार्गदर्शन केले. दहावीनंतरच्या विविध संधींची माहिती विद्यार्थिनींना या वेळी देण्यात आली. तनिष्का हुले, गायत्री लखाडे, संध्या राणी पाटील, ग्रीष्मा धायगुडे, ज्ञानेश्वरी पाटील, नंदिनी झाकडे, दुर्गा मेकवाड आणि श्रेया रकटे या विद्यार्थिनींनी आपली मनोगते व्यक्त केली. उपमुख्याध्यापिका सुषमा बंब, विजयाराणी गडचे आणि वैशाली जाधव यांनी मार्गदर्शन केले. शरयू पेटकर आणि नीलिमा कोठावदे यांनी संयोजन केले. सूत्रसंचालन स्वाती नेवाळे यांनी, तर पर्यवेक्षक शशिकांत हुले यांनी आभार मानले.