पिंपरी, ता. ६ : जिल्हा स्काऊट व गाइड मेळाव्याचे आयोजन ७ व ८ फेब्रुवारी या दोन दिवशी करण्यात आले आहे. स्व. शंकरलालजी मुथा स्काऊट गाइड नगरी चिंचवड येथे हा मेळावा होत आहे. यासाठी पुणे भारत स्काऊट आणि गाईड जिल्हा कार्यालय, जिल्हा परिषद पुणे तसेच श्री जैन विद्या प्रसारक मंडळ संचालित, श्री फत्तेचंद जैन विद्यालय व सौ.ताराबाई शंकरलाल मुथा कन्या प्रशाला यांनी पुढाकार घेतला आहे.
या मेळाव्यातस्काऊट -गाईडचे सुमारे १,२०० मुले- मुली व शिक्षक उपस्थित राहणार आहेत. दोन दिवसांच्या या मेळाव्यात उद्घाटन, शेकोटी, शोभायात्रा, सांस्कृतिक कार्यक्रम, विविध स्पर्धा, बक्षीस वितरण व समारोप होणार आहे, असे स्काऊट -गाइड मेळावा आयोजन समितीचे सहाय्यक जिल्हा आयुक्त राजेंद्रकुमार मुथा, अनिल कांकरिया, दिगंबर करंडे, उषा हिवराळे, सोनल सुतार व विजयकुमार जोरी यांनी दिली.