ZP Elections 2026 Voting Live Update : महिलांच्या डब्यात पुरुष चढला, पोलिसांकडे तक्रार

मुंबईत महिलांच्या लोकल डब्यात बुरखा घालून इसम चढून गोंधळ झाल्याची घटना घडली आहे. हा व्यक्ती मुंबई छत्रपती शिवाजी महाराज टर्मिनसवरुन चढला होता. घाटकोपर येथे महिलांनी रेल्वे पोलिसांना तक्रार केली..पुणे महापालिकेच्या महापौर व उपमहापौरपदाची निवडणूक सोमवारी (ता. ९) सकाळी ११ वाजता महापालिकेच्या मुख्य सभगृहात पार पडणार आहे. पण यावेळी स्थायी समितीसह अन्य विषय समित्यांवरील सदस्यांच्या नियुक्तीचा प्रस्ताव कार्यपत्रिकेवर असला तरी तो लांबणीवर पडणार आहे. या सदस्यांची नियुक्ती १३ फेब्रुवारी रोजी होण्याची शक्यता आहे. त्यानंतर पुढील काही दिवसात स्थायी समिती अध्यक्षांसह अन्य समित्यांच्या अध्यक्षांची निवडणूक होणार आहे. .पुणे: विवाह समारंभात पर्समध्ये ठेवलेले एक लाख ४० हजार रुपयांचे मंगळसूत्र चोरट्यांनी लांबविले. ही घटना क्वीन्स गार्डन भागातील एका मंगल कार्यालयात घडली असून याबाबत कोथरूड परिसरात राहणाऱ्या ५० वर्षीय महिलेने बंडगार्डन पोलिस ठाण्यात फिर्याद दिली आहे. तक्रारदार महिलेच्या नात्यातील विवाह समारंभ ५ फेब्रुवारी क्वीन्स गार्डन भागातील डच पॅलेस मंगल कार्यालयात पार पडला. तेथे या महिलेने पर्समध्ये मंगळसूत्र ठेवले होते. महिलेचे लक्ष नसल्याची संधी साधून अज्ञात चोरट्यांनी मंगळसूत्र असलेली पर्स लंपास केली. पर्स चोरीला गेल्याचे लक्षात आल्यानंतर महिलेने पोलिसांकडे तक्रार दिली. पोलिसांनी मंगल कार्यालयाच्या आवारातील सीसीटीव्ही चित्रीकरण तपासले असून, पसार झालेल्या चोरट्यांचा शोध घेण्यात येत आहे. पुढील तपास पोलिस उपनिरीक्षक संदीप खेडेकर करत आहेत..पश्चिम बंगालच्या मुख्य निवडणूक अधिकाऱ्यांनी सुनावणी, फॉर्म ६, ७ आणि ८ सादर करणे, कागदपत्रे अपलोड करणे आणि अर्जांची विल्हेवाट लावणे यासाठीची अंतिम मुदत १४ फेब्रुवारीपर्यंत वाढवण्याची निवडणूक आयोगाला विनंती केली आहे. दुसऱ्या शब्दांत सांगायचे तर, पश्चिम बंगालचे मुख्य निवडणूक अधिकारी मनोज कुमार अग्रवाल यांनी एक आठवड्याची मुदतवाढ मागितली आहे: मुख्य निवडणूक अधिकारी, पश्चिम बंगाल.मुंबई छत्रपती शिवाजी महाराज टर्मिनस चढला असून घाटकोपर येथे स्थानिक येतात महिलांनी रेल्वे पोलिसांना केली तक्रार तोपर्यंत तक्रार करत असताना सदर इसमाने रेल्वे उडी मारून दुसऱ्या बाजूस असलेल्या कर्जत गाडीमध्ये जाऊन इसम फरार मात्र सर्व रेल्वे स्थानकावर याची नोंद केली असता अजूनही सदर इसम फराररेल्वे स्थानकावरील सीसीटीव्ही अंतर्गत आरोपीचा शोध सुरू.न्यायालयाच्या देखरेखीखाली वैद्यकीय उपचारांसाठी अपक्ष खासदार पप्पू यादव यांना बेऊर तुरुंगातून पीएमसीएचमध्ये हलवण्यात आले आहे..पूर्व दिल्लीतील मयूर विहार पॉकेट १ मेट्रो स्टेशनचे नाव बदलून 'श्री राम मंदिर मयूर विहार' असे करण्यात आले आहे..परभणी जिल्ह्याच्या गंगाखेड तालुक्यातील राणीसावरगाव येथे मतदान केंद्रावर मतदान करण्यावरून मतदार व मतदान अधिकारी, कर्मचारी यांच्यात वाद झाला. पोलिसांनी वेळीच हस्तक्षेप केल्यामुळे काही काळानंतर मतदान प्रक्रिया सुरळीत सुरू झाली..कल्याण रेल्वे स्टेशनवर ओव्हरहेड इलेक्ट्रिक लाईनमध्ये बिघाड झाल्याने मालगाडी खोळंबल्याने उपनगरी लोकल वाहतुकीवर परिणाम झाला आहे. प्लॅटफॉर्म क्र. 4 आणि 5 लगतच्या लूप लाईनवर CST दिशेने जाणारी मालगाडी अडकल्याने गोंधळ उडाला आहे..सांगली जिल्ह्यातील तासगाव तालुक्यातील बलगडवे गावामध्ये जिल्हा परिषद निवडणुकीदरम्यान ग्रामस्थांनी मतदानावर बहिष्कार टाकल्याची माहिती समोर आली आहे. एका खासगी कंपनीने सौर ऊर्जा प्रकल्पाच्या नावाखाली अमाप आणि अनधिकृत वृक्षतोड केल्याच्या निषेधार्थ गावकरी एकवटले आहेत. सकाळी साडेसात वाजल्यापासून मतदान प्रक्रिया सुरू झाली असली, तरी बलगडवे येथील दोन्ही मतदान केंद्रांवर एकही मत नोंदवले गेलेले नाही..लातूर जिल्हा परिषद आणि पंचायत समिती मतदान प्रक्रियेत आज दुपारी 3:30 वाजेपर्यंत 50.05% मतदान झालं आहे..नागपूर -मुंबई राष्ट्रीय महामार्गावरील ग्राम मुरूम शिवारातील तीन पुलाजवळ आयशर ट्रकचा भीषण अपघात झाला. चालक आणि क्लिनरचा जागीच मृत्यू झाला आहे. ट्रकचं नियंत्रण सुटल्याने डिव्हायडर तोडून हा ट्रक पुलाजवळील खोल दरीत कोसळला . .भाजपचे नेते समरजितसिंह घाटगे यांनी कोल्हापूर जिल्ह्यातील म्हाकवे येथे जिल्हा परिषद मतदारसंघासाठी मतदान केले. त्यांच्या पत्नी नवोदितादेवी घाटगे यांनीही या ठिकाणी मतदान केले..छत्रपती संभाजी नगर जिल्हा परिषद आणि पंचायत समिती निवडणुकीदरम्यान काही ठिकाणी मशीन बदलण्यात आल्या असून इतर कोणताही अनुचित प्रकार घडला नाही, अशी माहिती जिल्हाधिकारी दिलीप स्वामी यांनी दिली. काही ठिकाणी अफवा ऐकायला मिळाल्या असता आम्ही त्वरित पोलीस अधिकाऱ्यांना सूचित करून पाठवले असल्याचेही जिल्हाधिकारी दिलीप स्वामी यांनी सांगितले..बनावट मतदानाच्या मुद्द्यावर भाजप आणि राष्ट्रवादी कॉंग्रेस समोरासमोर आले आहेत. कराड तालुक्यातील वडगाव हवेली येथे तणावपूर्ण स्थिती निर्माण झाली आहे. राजकीय दृष्ट्या संवेदनशील असलेल्या या भागात वादविवाद झाला. वडगाव हवेली केंद्र परिसरात काही काळ तणाव होता, परंतु पोलिसांनी वेळीच हस्तक्षेप केल्यामुळे मोठा अनर्थ टळला..भाजप आमदार संभाजी पाटील निलंगेकर यांनी आज लातूर जिल्ह्यातील औराद–शहाजनी येथे आपला मतदानाचा हक्क बजावला..भाजपचे नेते समरजितसिंह घाटगे यांनी कोल्हापूर जिल्ह्यातील म्हाकवे येथील जिल्हा परिषद मतदारसंघात मतदानाचा हक्क बजावला. यावेळी त्यांच्यासोबत पत्नी नवोदितादेवी घाटगे यांनीही मतदान केले..इंदापूर तालुक्यातील भरणेवाडी येथील बोराटेवस्ती जिल्हा परिषद शाळेतील मतदान केंद्रावर राज्याचे कृषीमंत्री दत्तात्रय भरणे यांनी आपला मतदानाचा हक्क बजावला. जिल्हा परिषद व पंचायत समितीच्या निवडणुकीनिमित्त त्यांनी आपला सहभाग नोंदवला. यावेळी बोलताना भरणे म्हणाले की, लोकशाहीची पाळेमुळे घट्ट करण्यासाठी प्रत्येकाने मतदान करणे ही काळाची गरज आहे. लोकशाहीच्या या मोठ्या उत्सवात सर्व मतदारांनी घराबाहेर पडून जास्तीत जास्त संख्येने मतदान करावे, असे आवाहनही त्यांनी यावेळी केले..उद्योग मंत्री उदय सामंत यांनी जिल्हा परिषद आदर्श विद्यामंदिर पाली नंबर 1 येथे मतदानाचा हक्क बजावला. मंत्री सामंत यांनी सर्वांना घराबाहेर पडून मतदान करण्याचे आवाहन केले. काही ठिकाणी EVM मशीन बंद पडण्याच्या घटना घडल्या असल्या तरी मतदान न होण्याचा अन्याय कोणावर होणार नाही. जिल्हाधिकारी या सर्व गोष्टींवर लक्ष ठेवून आहेत आणि काही त्रुटी राहिल्या असतील तर त्या त्यांच्या नेतृत्वाखाली पूर्ण होतील - उदय सामंत..जिल्हा परिषद आणि पंचायत समिती निवडणुकीच्या निमित्ताने तालुक्यातील मतदानाचा उत्साह शिगेला पोहोचला असताना, वाल्हे जवळील भुजबळ कामठवाडी येथील १०५ वर्षीय रघुनाथ भुजबळ यांनी मतदान करून लोकशाहीप्रती असलेली आपली निष्ठा पुन्हा एकदा दाखवली. वयाच्या शंभरीनंतरही त्यांनी मतदानाविषयीचा उत्साह कायम ठेवत कुटुंबातील तीन पिढ्यांसह मतदानाचा हक्क बजावला..शिरूर तालुक्यातील कोरेगाव भीमा येथे केवळ दोन फूट उंचीच्या निकीता मनीष गडिया (वय २१ वर्षे) हिने प्रथमच मतदानाचा हक्क बजावला आणि सर्वात कमी उंचीच्या तरुण मतदार ठरली. .छत्रपती संभाजीनगर जिल्ह्यातील पैठण तालुक्यातल्या पाचोड येथे शिवसेनाचे आमदार विलास भुमरे यांनी मतदानाचा हक्क बजावला. मतदानानंतर त्यांच्या बोटावर शाई लावण्यात आली, तसेच सोबत असलेल्या त्यांच्या लहान मुलालाही अधिकाऱ्यांनी शाई लावल्याने हा प्रकार चर्चेत आला. या घटनेवर टीका होत असतानाच खासदार संदिपान भुमरे यांनी प्रतिक्रिया देत सांगितले की, मतदानासाठी कुटुंबासह जाणे सामान्य बाब आहे, मात्र नेमकं तिथे काय घडलं याची मला माहिती नाही. या घटनेमुळे परिसरात राजकीय वर्तुळात चर्चा रंगली आहे..छत्रपती संभाजीनगर येथील वाळूज एमआयडीसी मधील एका मतदान केंद्रावर शिवसेनेच्या उमेदवाराकडून ईव्हीएमची पूजा केल्याचा प्रकार उघडकीस आल्यानंतर प्रशासन खडबडून जागं झालं आहे. या घटनेची गंभीर दखल घेत जिल्हाधिकाऱ्यांनी संबंधित मतदान केंद्रप्रमुखावर कारवाई केली जाणार असल्याचं स्पष्ट केलं आहे. निवडणूक प्रक्रियेतील निष्पक्षता अबाधित ठेवण्यासाठी नियमभंग करणाऱ्यांवर कठोर पावले उचलली जातील, असंही प्रशासनाकडून सांगण्यात आलं आहे..पुणे जिल्हा परिषद आणि पंचायत समितीच्या निवडणुकीसाठी आज होत असलेल्या मतदानाला सकाळपासूनच चांगला प्रतिसाद मिळत आहे. सकाळी 9.30 वाजेपर्यंत जिल्ह्यात सरासरी 7.74 टक्के मतदानाची नोंद झाली आहे. भोर तालुक्यात सर्वाधिक 8.79 टक्के मतदान झाले असून त्यापाठोपाठ मावळ 8.63, आंबेगाव 8.56, दौंड 8.12 आणि पुरंदर 8.1 टक्के मतदान झाले आहे. हवेली, वेल्हे, खेड, इंदापूर आणि जुन्नर तालुक्यांतही समाधानकारक मतदान सुरू असून बारामतीत तुलनेने कमी म्हणजेच 6.52 टक्के मतदानाची नोंद झाली आहे. सकाळच्या सत्रात मतदारांमध्ये उत्साह दिसून येत असून पुढील तासांत मतदानाचा टक्का वाढण्याची शक्यता व्यक्त केली जात आहे. .छत्रपती संभाजी नगर शहरालगत असलेल्या पिसादेवी येथील मतदान केंद्रावर लग्नाच्या दिवशीच नवरदेवाने बजावला मतदानाचा हक्ककृष्णा तायडे असं या नवरदेवाच नाव असून आज पार पडणाऱ्या जिल्हा परिषदेच्या निवडणुकीसाठी त्यांनी मतदानाचा हक्क बजावला.माजी उपमुख्यमंत्री विजयसिंह मोहिते पाटील यांनी आज जिल्हा परिषद व पंचायत समितीसाठी माळशिरस तालुक्यातील शंकरनगर येथील मतदान केंद्रावर सहकुटुंब मतदान केले..छत्रपती संभाजीनगरमध्ये शिवसेनेच्या आमदाराने मतदानाचा हक्क बजावत लहान मुलाच्या बोटाला लावली शाई!छत्रपती संभाजीनगर जिल्ह्यातील पैठण तालुक्यातल्या पाचोड इथं शिवसेनेचे आमदार संदीपान भुमरे यांनी मतदानाचा हक्क बजावला.मतदानाचा हक्क बजावताना त्यांनी बोटावर शाई लावून घेतली. सोबतच त्यांचा लहान मुलगा अधिकाऱ्यांनी शाई लावली.महापालिकेच्या निवडणुकीमध्ये मतदानावेळी मार्कर पेनने शाई लावल्याने राज्यभर गोंधळला झाला होता. आता लहान मुलाच्या बोटावर शाई का लावली याची चर्चा आता सुरू झालेली आहे.मतदान प्रक्रिया ही गंभीरपणे घेतली पाहिजे पण मतदान केंद्रामध्ये अख्खी फॅमिली जाऊन बोटावर ज्याला वाटेल त्याला शाई लावली कशी जाते असे एक प्रश्न या निमित्ताने उपस्थित झाला आहे..मंत्री नितेश राणे यांनी बजावला मतदानाचा हक्कमंत्री नितेश राणे यांनी कणकवली तालुक्यातील वरवडे येथील मतदान केंद्रावर बजावला मतदानाचा हक्क27 वर्ष नारायण राणे यांच्या नेतृत्वाखाली असलेली जिल्हा परिषद ह्यावेळी सुद्धा महायुतीच्या माध्यमातून विजयी होणार नितेश राणेंनी व्यक्त केला विश्वासविरोधक नाउमेद झाल्याने हि निवडणूक एकतर्फी होणार- नितेश राणे.लग्नाच्या मंडपात जाण्याआधी मतदान केंद्रावर जाऊन नववधूने केले मतदानआधी लगीन लोकशाहीचं,अशी भावना घेऊन लग्नाच्या बोहल्यावर चढण्या आधी मतदानाचा हक्क बजावला आहे सांगलीच्या वाळवा तालुक्यातील कापूस खेड येथे लग्न मंडपात जाण्याआधी तृप्ती पाटील या नववधूने मतदान केंद्रावर जात, मतदान केलं आहे.तृप्ती पाटील हिचे आज लग्न पार पडत आहे,लग्नाच्या दिवशीचं मतदानाचा दिवस असल्याने तृप्तीने मंडपात दाखल होण्याच्या आधी मतदान करणे पसंत करत,वडिलांसह मतदान केंद्रावर जाऊन आपला मतदानाचा हक्क बजावला आहे.त्यामुळे तृप्ती पाटील हिचे कौतुक होत आहे..उपमुख्यमंत्री सुनेत्रा अजित पवार यांनी बजावला मतदानाचा हक्कजिल्हा परिषद व पंचायत समिती निवडणुकीच्या पार्श्वभूमीवर राज्याच्या उपमुख्यमंत्री सुनेत्रा अजित पवार यांनी आज सकाळी काटेवाडी येथील जिल्हा परिषद शाळेत जाऊन आपला मतदानाचा हक्क बजावला.यावेळी श्रीमती पवार यांनी राज्यातील सर्व नागरिकांना आपल्या उज्ज्वल भविष्यासाठी लोकशाहीच्या या महत्त्वपूर्ण प्रक्रियेत सक्रिय सहभाग घेत मतदान करण्याचे आवाहन केले..भाजपचे आमदार गोपीचंद पडळकर यांनी आटपाडी तालुक्यातील पडळकरवाडी या ठिकाणी जिल्हा परिषद आणि पंचायत समिती साठी मतदान केलं. कार्यकर्त्यांसमवेत मतदान केंद्रावर जात पडळकर यांनी आपलं मतदान केलं. यावेळी त्यांनी जिल्हा परिषदेने पंचायत समिती साठी मोठ्या संख्येने मतदारांना मतदान करण्याचे आवाहन केले आहे. .लोकशाहीच्या सणाला प्राधान्य देत लातूरच्या गरसुली येथे एका नवरदेवाने आपल्या आयुष्यातील महत्त्वाच्या क्षणाआधी मतदानाचा हक्क बजावल्याचे प्रेरणादायी चित्र आज पाहायला मिळाले. लग्नसोहळ्यासाठी भोल्यावर चढण्याआधी नवरदेव थेट मतदान केंद्रावर पोहोचला आणि आपला मतदानाचा हक्क बजावला .लग्नाची धामधूम, नातेवाईकांची वर्दळ आणि शुभमुहूर्ताची घाई असतानाही “आधी मतदान, मग लग्न” हा संदेश देत नवरदेवाने समाजासमोर आदर्श ठेवला. मतदान करून बाहेर पडताना त्याच्या चेहऱ्यावर अभिमान आणि आनंद स्पष्ट दिसत होता.या अनोख्या कृतीचे मतदान केंद्रावर उपस्थित अधिकारी व नागरिकांनी कौतुक केले. लोकशाही मजबूत करण्यासाठी प्रत्येक नागरिकाने मतदान करणे गरजेचे आहे, असा संदेश या घटनेतून अधोरेखित झाला आहे..माळशिरस तालुक्यातील नऊ जिल्हा परिषद गट व 18 पंचायत समिती गणासाठी मतदान प्रक्रिया सुरू झाली आहे अकलूज जवळच्या यशवंत नगर मतदान केंद्रावर सकाळपासूनच मतदारांनी मतदानासाठी गर्दी केली आहे.तालुक्यातील दहिगाव जिल्हा परिषद गटामध्ये पुन्हा एकदा माजी आमदार राम सातपुते आणि आमदार उत्तम जानकर आमने-सामने आले आहेत येथून राम सातपुते यांच्या पत्नी संस्कृती सातपुते व आमदार उत्तम जानकर यांचे पुत्र जीवन जानकर यांच्यामध्ये सर लढत होत आहे येथील लढतीकडे संपूर्ण जिल्ह्याचे लक्ष लागले आहे.राष्ट्रवादी काँग्रेसचे नेते रोहित पवार यांनी आज सकाळी सपत्निक मतदानाचा हक्क बजावला. रोहित पवार मतदान केंद्रावर वेळेत दाखल झाले होते. यावेळी त्यांच्यासोबत सुनंदा पवार यांच्यासह राजेंद्र पवार आणि कुंती पवार हेही मतदानासाठी उपस्थित होते. सर्वांनी शांततेत आणि उत्साहात मतदानाचा हक्क बजावला. लोकशाहीच्या या महत्त्वाच्या प्रक्रियेत नागरिकांनी मोठ्या संख्येने सहभागी व्हावे, असे आवाहन रोहित पवार यांनी यावेळी केले..परभणी : जिल्ह्यातील राणीसावरगाव येथे मतदान प्रक्रियेदरम्यान तणावपूर्ण वातावरण निर्माण झाले. मतदान करण्यापासून रोखल्याचा आरोप करत महंत यांनी थेट मतदान केंद्र अधिकाऱ्यावर भाजपाची दलाली करत असल्याचा गंभीर आरोप केला. महंत यांना मतदान करू दिले जात नसल्याचा दावा करत त्यांनी मतदान केंद्रावर जोरदार वाद घातला. परिस्थिती चिघळत असल्याचे लक्षात येताच पोलिसांनी घटनास्थळी धाव घेत मध्यस्थी करण्याचा प्रयत्न केला. मात्र, पोलिसांच्या हस्तक्षेपानंतरही वाद काही काळ सुरूच राहिला. अखेर महंत यांनी मतदान न करताच मतदान केंद्रातून बाहेर पडण्याचा निर्णय घेतला. सकाळी सकाळी घडलेल्या या घटनेमुळे परिसरात चर्चेला उधाण आले असून निवडणूक प्रक्रियेवर प्रश्नचिन्ह उपस्थित केले जात आहेत..कराड : कराड तालुक्यातील चचेगाव येथे मतदानाच्या सुरुवातीलाच ईव्हीएम मशीन सुरू न झाल्याने मतदान प्रक्रियेला उशीर झाला. बुथ क्रमांक ७८ वरील ईव्हीएम मशीन अचानक बंद पडल्याने मतदारांना काही काळ प्रतीक्षा करावी लागली. या मतदारसंघात काँग्रेस आणि भाजप उमेदवारांमध्ये मोठी चुरस असल्याने या घटनेमुळे वातावरणात तणाव निर्माण झाला. ईव्हीएम बिघाडाची माहिती मिळताच झोनल अधिकारी तातडीने मतदान केंद्रावर दाखल झाले असून, मशीन दुरुस्ती व मतदान सुरळीत सुरू करण्यासाठी प्रक्रिया सुरू आहे..अलिबाग तालुक्यातील सहाण येथील मतदान केंद्रावर तांत्रिक बिघाडामुळे मतदान प्रक्रिया विस्कळीत झाली आहे. मतदान प्रक्रिया सुरू होण्यापूर्वीच ईव्हीएम (EVM) यंत्रात बिघाड झाल्याचे समोर आले. सकाळी ८ वाजून उलटले तरी अद्याप मतदान सुरू होऊ शकलेले नाही. यंत्रातील बिघाड दुरुस्त करण्यासाठी तातडीने टेक्निकल टीमला (तांत्रिक पथक) पाचारण करण्यात आले आहे. सकाळपासूनच केंद्रावर मतदारांच्या लांबच लांब रांगा लागल्या आहेत. मात्र, यंत्र बंद असल्याने मतदारांना ताटकळत उभे राहावे लागत आहे..राज्यातील 12 जिल्हा परिषदा आणि त्यांतर्गत येणाऱ्या 125 पंचायत समित्यांच्या सार्वत्रिक निवडणुकांसाठी आज मतदान होत आहे. या निवडणुकीत जिल्हा परिषदेच्या 731 तर पंचायत समित्यांच्या 1,462 जागांसाठी मतदार आपला हक्क बजावणार आहेत. ही निवडणूक रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशिव आणि लातूर या 12 जिल्हा परिषदांमध्ये होत आहे. मतदानाची वेळ सकाळी 7.30 ते सायंकाळी 5.30 अशी आहे. राज्यातील एकूण मतदारसंख्या मोठी असून त्यामध्ये 1 कोटी 6 लाख 33 हजार 269 पुरुष, 1 कोटी 1 लाख 86 हजार 965 महिला तसेच 468 इतर मतदारांचा समावेश आहे..बारामती : उपमुख्यमंत्री सुनेत्रा पवार या काटेवाडी येथे आपला मतदानाचा हक्क बजावला. यंदा बारामतीमध्ये मतदान प्रक्रिया उपमुख्यमंत्री अजित पवार यांच्या अनुपस्थितीत पार पडत आहे. उपमुख्यमंत्रीपदाची जबाबदारी स्वीकारल्यानंतर सुनेत्रा पवार यांचे हे पहिलेच मतदान आहे. या वेळी त्यांच्यासोबत पार्थ पवार तसेच पवार कुटुंबातील अन्य सदस्यही काटेवाडी येथे मतदानाचा हक्क बजावला आहे..Latest Marathi Live Updates 07 February 2026 : जिल्हा परिषदेच्या ६१ जागांसाठी २११, तर १२२ जागांसाठी ३४० उमेदवार रिंगणात असून, त्यांचे भवितव्य आज (ता. ७) यंत्रात बंद होणार आहे. सांगली जिल्ह्यातील १८ लाख १८ हजार ७४२ मतदार आपला मताचा हक्क बजावणार आहेत. सकाळी ७.३० वाजता मतदान प्रक्रियेला सुरुवात झाली असून, सायंकाळी ५.३० पर्यंत ती चालणार आहे. याशिवाय देश आणि राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन तसेच मान्सूनविषयक अपडेट्स जाणून घेण्यासाठी एका क्लिकवर सविस्तर माहिती मिळवा....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ZP Elections 2026 Voting Live Update : महिलांच्या डब्यात पुरुष चढला, पोलिसांकडे तक्रार

महिलांच्या डब्यात पुरुष चढला, पोलिसांकडे तक्रार

Related Stories