वाहनांना तीव्र प्रकाशझोताचे दिवे
शहर व परिसरात सध्या अनेक चारचाकी वाहनांवर तीव्र प्रकाशाच्या पांढऱ्या दिव्यांचा (हेडलाइट) वापर वाढला आहे. यामुळे नागरिकांच्या डोळ्यांना त्रास होत आहे. तसेच समोरून येणाऱ्या चालकाचे वाहनावरील नियंत्रण सुटण्याचे प्रकार वाढले आहेत. मोटार वाहन कायद्यानुसार निर्धारित क्षमतेपेक्षा अधिक तीव्र किंवा बदललेले दिवे वापरणे बेकायदेशीर आहे. मात्र, प्रत्यक्षात या नियमांची प्रभावी अंमलबजावणी होत नसल्यामुळे नागरिकांच्या सुरक्षेचा प्रश्न ऐरणीवर आला आहे. तरी वाहतूक विभाग व पोलिस प्रशासनाने याबाबत विशेष तपास मोहीम राबवून नियमबाह्य पांढरे दिवे वापरणाऱ्या वाहन चालकांवर कठोर कारवाई करावी.
- निर्गुण थोरे, चऱ्होली