पिंपरी, ता. १७ : ‘‘महापालिकेच्या ‘ड’ क्षेत्रीय कार्यालयाकडून चुकीच्या पद्धतीने कारवाई करण्यात येत होती,’’ असा आरोप करत नॅशनल हॉकर फेडरेशन, महाराष्ट्र फेरीवाला क्रांती महासंघाने रहाटणी-काळेवाडी येथील ‘ड’ क्षेत्रीय कार्यालयासमोर शुक्रवारी आंदोलन केले.
आंदोलनामध्ये कामगार नेते काशिनाथ नखाते, पथ विक्रेता समितीचे राजू बिराजदार, किरण साडेकर, शैलेंद्र गाडे, लक्ष्मण शेरखाने, इरफान चौधरी, सागर कापूरे, मनोज रुपनवर, सुनील भोसले, संतोष बनगर, राजेश माने आदी सहभागी होते. या वेळी क्षेत्रीय कार्यालय प्रभारी अधिकारी पूजा दुधनाळे यांना निवेदन देण्यात आले.