पिंपरी, ता. १८ : रोटरॅक्ट क्लब ऑफ पिंपरी आणि रोटरी क्लब ऑफ पिंपरी यांच्या वतीने आयोजित ‘अभिप्राय २०२६’ या जिल्हास्तरीय वादविवाद स्पर्धेला उत्स्फूर्त प्रतिसाद मिळाला.
स्पर्धेत एकूण २८ संघांनी सहभाग नोंदवला. प्रत्येक संघात एक रोटेरियन आणि दोन रोटरॅक्टर्सचा समावेश होता. आयक्यू स्प्रिंट, पिक्चर परफेक्ट ॲनालिसिस आणि वादविवाद अशा तीन फेऱ्यांमधून ही स्पर्धा पार पडली. दोनशेहून अधिक उपस्थितांच्या साक्षीने कार्यक्रम उत्साहात रंगला. पुणे, पनवेल, खोपोली आणि रायगड येथील स्पर्धकांनी सहभाग घेतला. वेळी जिल्हा रोटरॅक्ट प्रतिनिधी रोटरॅक्टर द्विजेश नाशिक्कर, जिल्हा महासचिव रोटरॅक्टर अथर्व पाटील तसेच माजी जिल्हा रोटरॅक्ट प्रतिनिधी रोटरॅक्टर अक्षय मोरे आदी उपस्थित होते. कार्यक्रमाचे नेतृत्व इव्हेंट चेअरपर्सन शुभम राऊत यांनी केले. अध्यक्ष वंश चावला आणि सचिव स्वस्ती राय यांनी नियोजन केले. रोटरी क्लब ऑफ पिंपरीचे अध्यक्ष आनंद संपत आणि सचिव रोहन रोकडे यांचे मार्गदर्शन लाभले. नियोजित अध्यक्ष बाबा भापकर यांनी आभार मानले. या उपक्रमास फिनोव्हेटर्स सर्व्हिसेस आणि सीएसजे व्हेंचर्स यांचे विशेष सहकार्य लाभले. एकूणच ‘अभिप्राय २०२६’ हा कार्यक्रम ज्ञान, विश्लेषण आणि विचारमंथन यांचा प्रभावी संगम ठरला असून रोटरी-रोटरॅक्टमधील बंध अधिक दृढ करणारा ठरला.
---