वाढत्या वसाहतींना एटीएम सुविधा अपुरी
वाकड येथील टीप टॉप इंटरनॅशनल हॉटेलच्या मागील भागात निवासी सोसायट्या विकसित झाल्या आहेत. तरी या परिसरात एटीएम मशीनची सुविधा उपलब्ध नसल्याने नागरिकांना अडचणींचा सामना करावा लागत आहे. दैनंदिन व्यवहारांसाठी रोख रक्कम काढण्यासाठी नागरिकांना भुजबळ चौकापर्यंत जावे लागते. आपत्कालीन परिस्थितीत रोख रक्कम मिळवणे अधिकच कठीण बनते. ऑनलाइन व्यवहार वाढले असले तरी अनेक ठिकाणी अजूनही रोख रकमेची गरज असते. अशा वेळी एटीएम मशीन नसल्यामुळे गैरसोय होते.  प्रशासन आणि बँकांनी या समस्येकडे गांभीर्याने लक्ष देऊन उपाययोजना करावी.
- प्रवीण महेशकर