पिंपरी, ता. २३ ः महापालिकेच्या उपद्रव शोध पथकाने शहरातील खासगी २१ मैलाशुद्धीकरण केंद्रांची (एसटीपी) तपासणी केली. त्यात नऊ मैलाशुद्धीकरण केंद्र पूर्ण क्षमतेने कार्यान्वित आढळले. १२ केंद्रांमधून पूर्णतः अथवा अंशतः प्रक्रिया न केलेले मैलापाणी बाहेर सोडल्याचे आढळले. त्यांच्याकडून ७० हजार रुपये दंड वसूल केला. मैलाशुद्धीकरण केंद्र कार्यान्वित केलेले नाहीत किंवा निर्माण होणारे मैलापाणी प्रक्रिया न करता बाहेर सोडले जात आहेत, त्या सोसायट्यांनी तात्काळ मैलाशुद्धीकरण केंद्र कार्यान्वित करून पाण्याचा पुनर्वापर करावा अन्यथा नळजोड खंडित करण्याचा इशारा आयुक्त डॉ. विजय सूर्यवंशी यांनी दिला आहे.