पिंपरी, ता. २४ : आयईटीई पुणे केंद्रातर्फे राष्ट्रीय स्तरीय प्रकल्प स्पर्धा घेण्‍यात आली. इलेक्ट्रॉनिक्स आणि टेलिकम्युनिकेशन अभियांत्रिकी विभाग राजर्षी शाहू अभियांत्रिकी महाविद्यालय यांच्या सहकार्याने ही स्पर्धा पार पाडली. ९७ गटांमधून एकूण ३०० हून अधिक विद्यार्थ्यांनी सहभाग घेतला.
उद्घाटनप्रसंगी आयईटीईचे अध्यक्ष डॉ. सुनील सोमाणी, अभियांत्रिकी सल्लागार डॉ. विश्वास वैद्य आदी उपस्थित होते. संयोजक आणि विभागप्रमुख प्रा. एस. पी. पट्टनायक, प्रा. डी.के. मगदूम यांनी नियोजन केले. स्पर्धेत विद्यार्थ्यांनी आर्टिफिशियल इंटेलिजन्स, मशीन लर्निंग, इलेक्ट्रिक वाहने, इंडस्ट्री ४.०, ऑटोमेशन आणि शाश्वत ऊर्जा अभियांत्रिकी यांसारख्या विषयांवर आधारित प्रकल्प सादर केले.