पिंपरी, ता.२७ ः जयश्री दिलीप निंबारकर प्राथमिक विद्यालय व माध्यमिक विद्यालयाच्या वतीने शालेय विद्यार्थ्यांसाठी चार दिवसीय उन्हाळी संस्कार शिबिराचे उद्‍घाटन करण्यात आले. प्रजापिता ब्रह्मकुमारीय ईश्वरीय विश्व विद्यालयाच्या सहकार्याने हे शिबिर आयोजित करण्यात आले आहे.
उद्‍घाटन प्रसंगी संस्थेच्या अध्यक्षा जयश्री निंबारकर, विश्वविद्यालयाच्या बी. के. सुधा दीदी व त्यांच्या सर्व सहकारी उपस्थित होते. या शिबिरात विद्यार्थ्यांना आत्मसन्मान व स्वाभिमान, अंतर्गत शक्ती, विचार, दिव्यशक्ती व ध्यानधारणा याविषयी मार्गदर्शन करण्यात येत आहे. विद्यालयाचे मुख्याध्यापक आयुष निंबारकर यांनी नियोजन केले. गणेश वाळुंज यांनी सूत्रसंचालन केले.