पिंपरी, ता. ११ : महाराष्ट्र राज्य घरेलू कामगार समन्वय समिती, कष्टकरी संघर्ष महासंघातर्फे मुंबई येथे आझाद मैदानावर घरेलू कामगारांचा मोर्चा काढण्यात आला होता. राज्याच्या कामगार विभागाचे प्रधानसचिव आय. ए. कुंदन यांच्यासोबत शिष्टमंडळाने चर्चा केली. केंद्र व राज्य शासनाच्या नवीन नियमानुसार घरेलू कामगारांना लाभ देण्याचे आश्‍वासन प्रधान सचिवांनी दिले.
घरेलू कामगारांच्या विविध मागण्या व प्रश्‍नांवर या वेळी चर्चा करण्यात आली. ईएसआयसी योजना, सामाजिक सुरक्षा, नोंदणी नूतनीकरण प्रक्रिया, मंडळास निधीबाबत सविस्तर चर्चा करण्यात आली. यासाठी राज्य शासनाकडून लवकरच प्रस्तावित प्रसिद्धी पत्रक जाहीर करण्यात येणार आहे, असे त्यांनी नमूद केले. यावेळी कामगार नेते काशिनाथ नखाते, राजू वंजारे, संतोष विभुते, पुष्कराज शिरधनकर, संतोष थोरात, वंदना चिंचोळकर, शांता खोत आदी उपस्थित होते.