तब्बल नऊ वर्षांनी १५ जानेवारीला राज्यातील महानगरपालिका निवडणुका होत आहेत. मतदानापासून कोणीही वंचित राहू नये म्हणून शासनाने कर्मचाऱ्यांना सुटी जाहीर केली आहे. परंतु नागरिक सहलीला अथवा गावी निघून जातात. आपल्या एका मताने काय फरक पडणार आहे ?, असा संकुचित विचार करतात. स्वतःच्या हक्का विषयी मात्र जागरूक राहतात. लोकप्रतिनिधी वॉर्डामध्ये विकास कामे करत नाहीत म्हणून ओरडत बसतात. योग्य उमेदवारांना निवडून देत नाहीत. भ्रष्ट निष्क्रिय, स्वार्थी उमेदवारांना निवडून देतात. नंतर पश्चात्ताप होतो. ही वेळ येऊ नये म्हणून प्रथम आपले मतदानाचे राष्ट्रीय कर्तव्य पार पाडावे. मगच इतर दैनंदिन कामे करावीत.
- रवींद्र कदम, विकासनगर