पिंपरी, ता.१७ ः औद्योगिक क्रीडा संघटनाच्यावतीने, यमुनानगर येथे आयोजित ६२ व्या औद्योगिक व्हॉलीबॉल (शूटिंग) स्पर्धेमध्ये शनिवारी (ता.१७) फ्लॅश इलेक्ट्रॉनिक्स, ‘डॅनफॉस’, ‘एसकेएफ’, ‘सीएएफव्हीडी’, टाटा मोटर्स ‘अ’, ‘ब’ आदी संघांनी विजयी सुरुवात केली.
प्रबोधनकार ठाकरे मैदानावर ही स्पर्धा भरविण्यात आली आहे. स्पर्धेचे उद्‍घाटन फ्लॅश इलेक्ट्रॉनिक्स कंपनीचे रवींद्र चव्हाण, व्यवस्थापक (निर्मिती) अशोक त्यागी यांनी केले. यावेळी टाटा मोटर्स युनियनचे अध्यक्ष शिशुपाल सिंग तोमर, क्रीडा समितीचे अध्यक्ष शशिकांत कात्रे, फ्लॅश इलेक्ट्रॉनिक्सचे माजी सरव्यवस्थापक विश्वनाथ येरवा, महिंद्रा अँड महिंद्रा चाकण कंपनीचे युनियन प्रतिनिधी श्याम भापकर व क्रीडा समितीचे बापू सावंतऔद्योगिक क्रीडा संघटनेचे उपाध्यक्ष नरेंद्र कदम, सचिव वसंत ठोंबरे, खजिनदार प्रदीप वाघ उपस्थित होते.
स्पर्धेचे संपूर्ण आयोजन नंदकुमार भोईटे (स्पर्धा निरीक्षक), भाऊसाहेब जाधव (स्पर्धा नियंत्रक) यांच्या मार्गदर्शनाखाली करण्यात आलेआहे. के. डी. वाघमारे, राजेंद्र माघाडे, राजेश सोडल, अनिल सोनेकर हे पंच म्हणून काम पाहत आहेत. मंदार कुलकर्णी, माऊली पवळे यांचे मोलाचे सहकार्य लाभले आहे.
बजाज ऑटो (वाळुंज), सेंचुरी एन्का, महेंद्रा चाकण, जेसीबी, पीसीएमसी अशा विविध १५ कंपन्यांच्या संघांनी स्पर्धेत भाग घेतला आहे. ही स्पर्धा फ्लॅश इलेक्ट्रॉनिक्स, इंडियाने पुरस्कृत केली आहे.

काही निकाल
फ्लॅश इलेक्ट्रॉनिक्स वि.वि. बजाज ऑटो (वाळुंज) २५- ०३, टाटा मोटर्स ‘ब’ वि.वि. एलिइन डब्ल्यूजी २५-९, सीएएफव्हीडी वि.वि. सेंचुरी एन्का २५- ८, डॅनफॉस वि.वि. महिंद्रा ॲण्ड महिंद्रा, चाकण २५-१४, पीसीएमसी वि.वि. पीएमपी ‘ब’ २५-१०, जेसीबी पराभूत विरुद्ध एसकेएफ १६-२५, टाटा मोटर्स ‘अ’ वि.वि. फ्लॅश इलेक्ट्रॉनिक्स ‘ब’ २५-५, महिंद्रा ॲण्ड महिंद्रा (चाकण) पराभूत विरुद्ध पीएमपी ‘अ’ ५-२५.