त्रिवेणीनगर चौकात तातडीने उड्डाणपूल उभारावा
मुकाई चौक ते नाशिक रस्त्याला जोडणाऱ्या स्पाइन रस्त्यावरील त्रिवेणीनगर चौकात वाहतूक कोंडी होत आहे. त्यामुळे वाहनचालकांसह नागरिकांचा वेळ वाया जात असून, परिसरातील वायू आणि ध्वनी प्रदूषणातही मोठी वाढ झाली आहे. स्पाइन रोड हा मुंबई-पुणे द्रुतगती मार्ग, जुना मुंबई-पुणे महामार्ग आणि पुणे-नाशिक रस्त्याला जोडणारा महत्त्वाचा मार्ग आहे. या मार्गावर त्रिवेणीनगर चौकात सर्वाधिक वाहतूक कोंडी होत असल्याने वाहनचालकांना मोठ्या अडचणींचा सामना करावा लागतो. वाहतूक कोंडीची समस्या कायमस्वरूपी सोडविण्यासाठी त्रिवेणीनगर चौकात तातडीने उड्डाणपूल उभारणे आवश्यक आहे. संबंधित प्रशासनाने याबाबत तातडीने कार्यवाही करून उड्डाणपुलाचे काम हाती घ्यावे.
- राजेश अग्रवाल, एम्पायर इस्टेट चिंचवड