पिंपरी, ता. २१ ः प्रस्तावित ‘इनर रिंग रोड’, तसेच वाघोली आणि बावधन बुद्रूक नगररचना (टीपी) योजनांबाबत पुणे महानगर प्रदेश विकास प्राधिकरणाच्या अधिकाऱ्यांनी स्‍थानिकांची मते जाणून घेतली. अतिरिक्त महानगर आयुक्त के. मंजुलक्ष्मी यांनी प्रभावित होणाऱ्या गावांतील सरपंच, उपसरपंच, ग्रामपंचायत अधिकारी आणि ग्रामस्थांशी संवाद साधला. वाघोली नगररचना क्र. १२ आणि बावधन बुद्रूक नगररचना क्र. २६ या योजनांचे आराखडे आखण्यात आले आहेत. यापूर्वी विरोधामुळे योजना रद्द कराव्‍या लागल्‍याने नागरिकांना विश्वासात घेऊन पीएमआरडीए योजना राबवणार आहे. विकास परवानगी विभागाचे संचालक अविनाश पाटील, सहसंचालक प्र. सो. गायकवाड, सह-महानगर नियोजनकार श्वेता पाटील यांनी याबाबत माहिती दिली. पुणे महापालिकेचे अभियंतेही यावेळी उपस्थित होते.
-----