पिंपरी : चिंचवड येथील उद्योगनगर येथे महाराष्ट्र कामगार कल्याण मंडळ कामगार कल्याण केंद्र उद्योगनगच्या वतीने डॉ. बाबासाहेब आंबेडकर सामाजिक समता  सप्ताह कार्यक्रम पार पडला. प्रा. केरनाथ ढवळे यांनी ‘संविधान जागर - मूलभूत हक्क व मूलभूत कर्तव्य’ या विषयावर व्याख्यान दिले.
महाराष्ट्र कामगार कल्याण मंडळाच्या विविध योजनांची माहिती केंद्र संचालक प्रदीप बोरसे यांनी उपस्थितांना त्यांना दिली. कार्यक्रमाचे प्रास्ताविक व स्वागत व सूत्रसंचालन प्रदीप बोरसे यांनी केले. आभार अश्विनी दहीतुले यांनी मानले. गुणवंत कामगार राम शिंदे यांनी कामगार मंडळाच्या विविध योजनांची सर्व कामगारांनी माहिती घेऊन फायदा घेण्याचे आवाहन केले. यावेळी अण्णा जोगदंड, रयत शिक्षण संस्थेचे सुदाम शिंदे, संगीता जोगदंड, दत्तात्रय अवसरकर, शिवराज शिंदे, सूर्यकांत बरसावडे, साखरचंद महाराज लोखंडे, पांडुरंग सुतार, हेमंत पवार, राजेश गाढवे उपस्थित होते.