पिंपरी, ता. २० ः मराठी भाषेतून समाजजागृती, विवेकशील विचार आणि सत्यनिष्ठ पत्रकारितेची सुरुवात करणारे ‘दर्पणकार’ बाळकृष्ण जांभेकर हे  पत्रकारितेचे आद्य प्रणेते होते. त्यांनी सहा जानेवारी १८३२ रोजी ‘दर्पण’ हे मराठी वृत्तपत्र प्रकाशीत करून मराठी वृत्तपत्राचा नवा अध्याय सुरू केला, असे प्रतिपादन महापौर रवि लांडगे यांनी केले. महापालिकेच्या वतीने बाळशास्त्री जांभेकर यांची जयंती उत्साहात करण्यात आली. महापालिकेच्या मुख्य प्रशासकीय इमारतीमधील बाळशास्त्री जांभेकर यांच्या प्रतिमेस महापौर रवी लांडगे यांनी पुष्पहार अर्पण करून अभिवादन केले. यावेळी ते बोलत होते. या कार्यक्रमास अतिरिक्त आयुक्त विक्रांत बगाडे, स्मार्ट सिटीचे सह मुख्य कार्यकारी अधिकारी किरणराज यादव, उपायुक्त अण्णा बोदडे आदी उपस्थित होते.