पिंपरी, ता.२१ ः इंटर इंजिनिअरिंग डिप्लोमा स्टुडंटस स्पोर्ट्स असोसिएशन अंतर्गत एआयएसएसएमएस महाविद्यालयामध्ये आयोजित विभागीय (झोनल) क्रिकेट स्पर्धेत एम.एम.पॉलिटेक्निकचा संघ उपविजेता ठरला.
यजमान एआयएसएसएमएस संघाविरुद्धचा सामना अटीतटीचा झाला. मात्र, संघाला उपविजेतेपदावर समाधान मानावे लागले. स्पर्धेत एकूण १६ संघांनी सहभाग नोंदवला होता. संघाला महाविद्यालयाचे क्रीडा संचालक नितीन सुरते यांचे मार्गदर्शन लाभले. या यशाबद्दल मराठवाडा मित्र मंडळ संस्थेचे कार्याध्यक्ष बी. जी. जाधव, महाविद्यालयाच्या प्राचार्या गीता जोशी यांनी संघाचे कौतुक करून अभिनंदन केले.