पिंपरी, ता. २३ ः चिंचवड येथील प्रा. रामकृष्ण मोरे प्रेक्षागृहात आनंदयात्री प्रस्तुत ‘सितारे जमी पर’ कार्यक्रम झाला. त्यात मराठी-हिंदी चित्रपट गीतांना रसिक श्रोत्यांची उत्स्फूर्त दाद मिळाली.
आनंदयात्री समूहाचे संस्थापक अध्यक्ष डॉ. अविनाश देशपांडे यांच्या संकल्पनेतून आयोजित कार्यक्रमात डॉ. प्रशांत जिवतोडे, डॉ. सुमेध अंदुरकर, राजेंद्र गरुड, किरण वैद्य, डॉ. सारिका वैद्य, दीपिका शर्मा, रश्मी माटे, श्रीधर दीक्षित, डॉ. भूषण कुलकर्णी, स्मिता गायकवाड, आदिती खटावकर, सीमा बन्सल, विनोद खूबचंदानी, डॉ. पराग रत्नाकर, सुरेश काळे, श्रीकांत पिंजरकर, मंदार कौशिक, सागर पाटील आदींनी विविध गाणी सादर केली.
संबंधित गीतांची चित्रपटातील दृश्य आणि छायाचित्रे सादर केली. यामध्ये ‘सूरज हुवा मध्यम’, ‘ना सांगताच आज हे कळे मला’, ‘हम तुमसे मिलें फिर जुदा हो गये’, ‘निगाहे मिलाने को’, ‘लेकर हम दीवाना दिल’, ‘एक प्यार का नगमा है’, ‘ऐसी दिवानगी’, ‘बोल ना हलके हलके...’ अशा एकाहून एक श्रवणीय गीतांचा समावेश होता. गणेश वंदनेने प्रारंभ झालेल्या मैफलीचा समारोप ‘मिले सूर मेरा तुम्हारा’ या गीताने झाला.
---