पिंपरी, ता. २६ : कंपनीत यंत्राचा सुटा भाग अंगावर पडून कामगाराचा मृत्यू झाला. ही घटना चिखलीतील नवतेज प्रेसिंग अँड इंजिनिअरिंग साने इंडस्ट्रीज कंपनीत घडली. सुनील व्यंकट बडघे (रा. अष्टविनायक चौक, मोरे वस्ती, चिखली) असे या घटनेत मृत्यू झालेल्या कामगाराचे नाव आहे. या प्रकरणी पोलिसांनी कंपनी मालक अशोक जगन्नाथ वराडे (रा. संभाजीनगर, चिंचवड) याच्यावर गुन्हा दाखल केला आहे. कंपनीत वाहनांचे सुटे भाग बनवले जातात. हे सुटे भाग बनवताना यंत्राचा भाग अंगावर पडून बडघे हे गंभीर जखमी झाल्याने त्यांचा मृत्यू झाला. कामगारांच्या सुरक्षेबाबत योग्य त्या उपाययोजना न केल्याने वराडे यांच्यावर गुन्हा दाखल झाला आहे.
---