हिरवाईवर अतिक्रमण नकोच

‘ऑक्सिजन पार्क’च्या निमित्ताने दुर्गादेवी टेकडी नामांतराचा घाट?’ ही बातमी ‘सकाळ’ मध्ये वाचली. शहरामध्ये दुर्गादेवी टेकडी हा एकच भाग निसर्गाच्या मूळ रूपात असलेला, कोंदणातील एखाद्या हिऱ्यासारखा अस्तित्वात आहे. शहरातील किमान चार पाच पिढ्यांनी येथील शुद्ध ऑक्सिजनचा लाभ घेतला आहे. हा भाग असाच राहिला तर भविष्यातील कित्येक पिढ्याही हा आनंद घेऊ शकतील. कोणत्याही परिस्थितीत या जागेवर अतिक्रमण होणार नाही याची काळजी सर्व नागरिकांनी घ्यायला पाहिजे.

- शिवराम वैद्य, निगडी