पिंपरी, ता. २८ : कंपनीत गुंतवणूक केल्यास दरमहा सहा टक्के परताव्याचे आमिषाने एका उद्योजकाला सुमारे पाच कोटी रुपयांचा गंडा घालण्यात आला. हिंजवडीतील साखरे वस्ती परिसरात हा प्रकार घडला. या प्रकरणी संबंधित उद्योजकाने सायबर पोलिस ठाण्यात फिर्याद दिली. त्यानुसार पोलिसांनी सनी शहा (रा. कोलकाता), राहुल जैन (रा. इंदूर, मध्य प्रदेश), अमीर खान, मयूर शेख अशा नावांच्या व्यक्तींवर गुन्हा दाखल केला. आरोपी सनी शहा याची फिनिक्स इन्फीनिटीक्स कंपनी आहे. राहुल जैन मार्केटिंग व्यवस्थापक (गुंतवणूक नियोजन) असून अमीर व मयूर संचालक आहेत. या कंपनीतील गुंतवणुकीवर परताव्याचे आमिष फिर्यादीला दाखविण्यात आले. फिर्यादीला चार कोटी ९७ लाख ४५ हजार २१७ रुपये गुंतवणूक करण्यास भाग पाडले गेले. त्यानंतर त्यांना रक्कम देण्यात आली नाही.
-----------------------------------